O protagonista desta actividade foi un peixe chamado “Raspiña”. 
Con el puidemos aprender cousas como: cortar ben o peixe, empregar axeitadamente a pa e o garfo (para evitarmos os perigos das espiñas), e tamén por qué é tan bo comer este alimento, xa que é positivo para a saúde e o crecemento dos nosos osos, axúdanos a medrar, ten moito fósforo (moi bo para a memoria), minerais e vitaminas, e é moi doado de dixerir.
Aprendemos tamén, a diferenciar os peixes brancos dos azuis así como o nome dos que despois xantaríamos no comedor, como pescada, xurelo, rape e melgacho.
Este obradoiro rematou con xogos relacionados cos peixes e o xantar no comedor. Tamén nos agasallaron cun libro de receitas de peixe que nós seguimos a completar.
Ata a próxima!!
